Adalat e Kursi

Xðoya adalat e kursi tinen

qišmat nivišne ya munši tinen

hazor ep yem θuwaka rehm tu sara

ašiqe jon et zindagiɣ̌ i tinen

ajab bahor et guliston i dremer

kuhi kafan ki yi mehmon dremer

nodon mizbon čereng eṣ̌ yowe ne ðiṣ̌

pari i naste yi inson i dremer

hazor čaman et hazor gul em be wind 

ti šayt e zik et ti baf šʉl em be wind

de išqe tofon ne em niyešte x̌e

mohabate ya kohi tur em be wind

ẓ̌ʉ xuš bohori ye har rang e sabza

dem ẓ̌ʉ nodon pzuv et čir hamiša

yi loy ki far be ɣir maẓ̌e tayine

čem jawonigh ni kuy en čiz barosa

ošiq i ye ɣarib makon i žhun en

adem ti kiradi armoni žhun en

ta tov i ẓ̌ʉn čiz muniš e ẓ̌ʉ hasin

husn i šilha ptun jahon i tin en

Xðoi hasrat ɣarib ki kuyem e goxt

išqe raxnighe qarib ki kuyem e goxt

Nočiz e niv pe ti peti rof ayem duho

mohobat e baðnasib ki kuyem e goxt