Ti Ošiq Sawori Wezg

yem širin wirding dunyo
če xušruy mari kendekt

ya ẓ̌ʉ čor duhum ẓ̌ʉ mak
čem ɣ̌are ni mari ɣ̌itekt

ya ti voini yem dunyo
ver ko če xušruy werxekt

ya ẓ̌ʉ gul sinjite boɣ
če xušruy mari sepxekt

ya hawo ve yem ti vul
ko čumer de mazen wuzmekt

mast em vite dem ti vul
tok yem dunyo em rumsekt

če xušruy bahori wezg
ti ošiq sawori wezg

yi safari faqirer
ko čereng dičori wezg

dem asate garmi yen
če xušruy šumoli wezg

yi ajib insoni wezde
yi surate bayon wezde

jai yar go širin pzʉv
zi ɣafč lup mehmon wezde

de x̌ʉ husnen ṣ̌tikt x̌akuzg
dem ti išqe meydon wezde

dem gʉl ve miyona
ẓ̌ʉ satbargi čʉmer zart

tayin eṣ̌ ki yowe čarem
yem ẓ̌ʉ č̣eẓ̌m iṣ̌t cizer šart

hawli eṣ̌ timikr nivizd
yem ẓ̌ʉ šak pzʉve ðart