Safkun Nikbaxt

Ya safkun pirčode nungi, Nikbaxt tiwekt.

Yowni yi mum tiwekt.

Yi ror nikbaxte nane yower yi wergešti ðekt.

„Yem x̌ʉ mum er yund“

„Woz tra wedek de kui jamip en qesa may čar“,

azengi yar šilda x̌ekt.

Nibaxti ri tra wedek,

yi šapt dičor diyetk.

Ya šapt yowe percekt,

„Kumret taxk ke nikbaxt“.

„X̌ʉ mume solom rem taxk“,

Nikbaxte yower jwob ðekt:

Ya čolok šapt tram prut ti lam wikt.

Yaw tra nikbaxti mis trame mume x̌ʉni ɣ̌itekt.

Ta bari tax tax x̌ekt.

“Kumdev ko?”, ya mum percekt.

“Wuzem me mum, ti nupus,” ya čolok šapte x̌enekt.

“Towrem ra wergešt čuwan wuzmekt”.

“Ẓ̌ʉni tilo nupus niya”, ya mume x̌enekt .

Wozi ya baari yar het x̌ekt.

Ya šapte yowe mumi yitk.

Woz yow mume luqpari pemaxk.

Ram kumpali xat rost x̌ekt.

Tum rer Nikbaxt be mloyim mloyim

de x̌ʉ mume xuni ɣ̌itekt.

“Ye mum ti č̣eẓ̌miṣ̌t tumer baaj čizer”, Nikbaxte x̌enekt.

“Towe baf winge destan,” ya šapte jwob ðekt.

„Ye mum ti ðunduk iṣ̌t tumer luup čizer“, Nikbaxte percekt.

„Towe yitne destan“ ya šapte x̌enekt.

Tumrer ki yi baður ṣ̌upun če kumen pidoɣ̌ witk.

Yowe ya šapte dur ta x̌ʉ tpar en čut x̌ekt.

Rame dur ni yowe mum i tra bar nxikt.

Ya mum npus liman hev knor diyekt.

Woz ya ṣ̌pun rev ṣ̌uker x̌ekt.

Čem žindag nen sak yem sbaq yexk wikt ki,

 x̌ʉ tat nane qisa kuṣ̌uyni ɣa baf tiwekt.