Filibað Šapt et Timikr Wurk

Yi maʦ ror, ya wurk eṣ̌ ta Borit dyor, ta past-žrav en yupk pit.

Ta žrav e wučen, yi zrič šapt e ya wurk i wind.

Ya šapt ɣa  zric tu. Sumba i kert, tsereng ko yem wurk e yawam.

“Ye wurk, tu eṣ̌ ẓ̌ʉ yupk e lai goi,” ya šapt zruyde x̌e x̌ati.

Ya wurk heyron wite. X̌ati, “Magam wuzem rem past, tuwet ta wuč . Ya yupk eṣ̌ ta wuč en rem past wizit. Dišma, wuz eṣ̌ ko tsereng ya yupk e lai gom“.

Ya šapt šak bizat wite.

Ta qar ni a šapt e x̌at, “Pardi, tow e maẓ̌ vrendetu.”

“Pardi em wuz čvatu be nay,” ya work e x̌at.

“Borni ti vrut e xoi maẓ̌ verendetu,” ya šapt e woz yi fan I dixt.

“Magam ẓ̌ʉn i vrut nast,” ya work e x̌at.

Ya šapt e fan et banai iṣ̌t veɣne.  

Oxir er yow runduyde x̌e ya wurk i wodert woz yow i yit.

Sbaq:
Šak xalg ni šak banai,
ɣafč hʉšyor halit
bað xalgṣ̌t ev truq ɣažd manai,
pokiza yupk i be yawer lai