Mum Sib et Gul

Cʉbʉr  wiste ðas bu sole mum,
Mum Sib da oɣozen xebar wite.

Yowe timikr panz solina nupus,
Gul tam tov xebar wite.

Ya mume x̌at,
"Ye Gul, x̌ʉ mumer madad woč. Tra bari ɣal trič.
Ya laltine x̌ʉ mumer piðsʉv. Wuz nmozer reč̣em."

 
Gule jwob ðet,
"Ye mum wuz be nmozer wezim."

Gul ya laltini piðsʉvd, 

x̌ʉ mume ðast ri yupk kart, 

yowe ṣ̌eɣ̌d ruxn luqpari yar pemcovd,  

ya skiði yar dixt, 

yove peteki yower vast, 

yowe čaṣ̌ma yi be yar dixt,

woz dam ðasti wodort,

x̌e ya buyev mloyim myloyim jmotxona rev reɣ̌de.

Ya mume yar x̌at,
"Ya mum yar gird"
"Tuwet x̌ʉ mume xuṣ̌ nupus niya."
"Tuwet x̌ʉ mume madad nupus niya."
"Tuwet  x̌ʉ mume izat nupus niya."
"Tuwet x̌ʉ mume doulat nupus niya."
"Tuwet ẓ̌ʉ tat nupus niya."
"Tuwet ẓ̌ʉ nan nupus niya."
"Tuwet x̌ʉ mume jone pak niya."
"Tuwet ẓ̌ʉ ruxne ẓ̌ʉmak niya."
"Tuwet x̌ʉ mumer oɣoze sitor niya."
"Ya mum yawer gird."
"Šuker Mowlo er, xðoy er šuker, azeng nupus i maẓ̌er ðetk."