Intizor, Intizor

hawoəṣ̌ ki č̣it wosteṣ̌ ɡumon
dem bari ɣ̌itek ya ẓ̌ʉ jon
ki niwzem nasti nom nišon
wocmeṣ̌ can be biqeror

intizor, intizor mari ro ti intizor

ti didori nast ẓ̌ʉ nasib
yem ẓ̌ʉ pʉzavi be ajib
ɣali yaqin wocep qarib
wostep maẓ̌er ti didor

intizor, intizor mari ro ti intizor

ɣafč yem xuš bahorem winekt
yem gʉlu gʉlzorem winekt
yem mowjin sitorem winekt
yemiṣ̌t kux̌t maẓ̌er bikor

intizor, intizor mari ro ti intizor

piðingi ẓ̌ʉ dil ẓ̌ʉ jigar
poč̣etki ẓ̌ʉ č̣eẓ̌me nazar
yiloy woc č̣emaẓ̌en xebar
ɣ̌iteki ẓ̌ʉ marge ror

intizor, intizor mari ro ti intizor

yem x̌ʉ ajalem pətțumetk
ya ẓ̌ʉ dʉri ɣal ne ɣetetk
yem x̌ʉ mawtorem yem x̌enetk
da batken car intizor

intizor, intizor mari ro ti intizor

piðsʉvetket to yem ẓ̌ʉ dil
yem marget be x̌etk mar muškil
reseð niv yem ẓ̌ʉ jone zil
wez x̌e xulos yem ẓ̌ʉ bor

intizor, intizor mari ro ti intizor

weze win diwonae šʉl
yi loy x̌an čiz holi Bʉlbʉl
wostep zeng ẓ̌ʉ zindagi kʉl
wez x̌e x̌an mar Xʉðoyor

intizor, intizor mari ro ti intizor