Ti Didor

zevetket tu tem ti tovi
zevetk ya ti diyor

čoɣ̌der ti didor carem
čoɣ̌der ti didor

yem x̌ʉ poya eṣ̌ ki kumer yoð
dra spreɣ̌ ṣ̌epax̌t

koyeṣ̌ ki tayin yoweṣ̌ dišen nikbax̌t
yoweṣ̌ dišen nikbax̌t

tayin eṣ̌ ki tem osumon
sareṣ̌ xamuvd sitor

čoɣ̌der ti didor carem
čoɣ̌der ti didor

šarmeṣ̌ wizit
tu eṣ̌ ki tayin x̌at dem šiša

ti winger eṣ̌ wezin osmonen farišta
osmonen farišta

aqal heyroneṣ̌ wocen
dem ti husne bazor

čoɣ̌der ti didor carem
čoɣ̌der ti didor

gʉlsuri et gʉlmiri
yem ti hʉsne surat

ki winen eṣ̌ tov yemiṣ̌t rumuṣ̌en x̌at
yemiṣ̌t rumuṣ̌en x̌at

sujda caren toveṣ̌
ki winen gul et gulzor

čoɣ̌der ti didor carem
čoɣ̌der ti didor

Rehber yem ti umrep reṣ̌t
čizreṣ̌ x̌ate zoya

čem x̌ʉ pzʉven nixind čizreṣ̌ yowe sumba
čizreṣ̌ yowe sumba

yowe wingrev če wezg,
tu be reč dam ve qator

čoɣ̌der ti didor carem
čoɣ̌der ti didor