Išqi Yi Blo

Išqi yi blo,

windem yeme sʉžo.

Dʉnyo ri tʉmošo,

ẓ̌ʉ dard et ẓ̌ʉ sažo.

Woš woš ẓ̌ʉ zindegi,
yemi tey tišnagiɣ̌.

Tag eš nazar ne kat,

yemi diwonegiɣ̌.

Me car zeng tʉkbʉri,

yemi bu ror zindagiɣ.

Witki yem šum kesal,

dʉnyo nem bi xbar.

Ti hʉsne qalandar,

ney dʉnyo i baðnazer.

Ti č̣eẓ̌me jodugari,
xetki maẓ̌er asar.

Yemi zereng dʉnyo a ney,
ẓ̌ʉ nisiber čiz blo.

Ye basa lečer me xat yaw,
ye diwona Ziyo.

Bas ki weze yem xalgve rang,
tu be xater dʉrz mʉlo.

Poetry: Azad Zia Zarabadi 

Design: Muhammad Ali

Narration: Mavzuna Ismoil, Sadbarg and Muhammad Ali