X̌ikem Ṣ̌ukurd

Kumrem ki reɣ̌di sof x̌ikem ṣ̌ukurd

Du har mahfil maẓ̌ x̌ʉ zikem ṣ̌ukurd

Yem x̌ikve xuni ẓ̌ʉ xun misol

Ska de čoyen dra mərikem ṣ̌ukurd

Ali Qurbon et Bulbulem keṣ̌en

Saif, Safar et Mushfiqem ṣ̌ukurd

De timtangiɣ̌ yi sitor eṣ̌ nuwizd

Maẓ̌ be yi jay zi torikem ṣ̌ukurd

X̌ʉn eṣ̌ suduy tuṣ̌ x̌ikwor ki x̌an

De ti qisa ne lojikem ṣ̌ukurd

Yiloy x̌ʉ ruh woz nemenjuvem wuz

Ya Sinisai et Bulbulikem ṣ̌ukurd

Ẓ̌ʉ x̌ikiyat maẓ̌i yuṭi glec

Ya x̌ʉ  rumʉṣ̌etk hr ṣ̌tikem ṣ̌ukurd

Mehjur ki windi x̌ʉ x̌ik vrut

Bet ne Afghon ne Tojikem ṣ̌ukurd

Poet: Ghairat Shah Mehjur, Ishkoman Immit