Gotem ne Gotem

Tax̌kem ki gotem x̌ʉ išqe xebar,
kuy dišt x̌ʉ xebar gotem ne gotem

sefarem niyeṣ̌k tuwet ẓ̌ʉ manzil,
manzil dem sefar gotem ne gotem

Armoni ki dem x̌ʉ duṣ̌tae dil,
ti išqe banafša niv niholem

har ṣ̌um har sahar vulem ti xʉṣ̌bu,
ya ṣ̌um ya sahar gotem ne gotem

Armoni ki dem x̌ʉ tapke soya,
yem x̌ʉ č̣eẓ̌me voyne rang to lecrem

tag me čiz winem če towen digar,
išqe ya nazar gotem ne gotem

Armoni ki dem x̌ʉ hʉsne tobon,
wez x̌e θʉw har ror tu yem ẓ̌ʉ pʉzʉv

ki θetim go soya x̌ʉ pičaen,
soya ya ske sar gotem ne gotem

Čem x̌ʉ jigaren nix̌indem yi woð,
ẓ̌ʉ pʉzʉve kʉk hazor ki poč̣te

obodem ki kert ti išqe šini,
meywa dem hʉnar gotem ne gotem

Bʉlbʉl har kuyeṣ̌ wafo be ne got,
nezd dem boɣe bar x̌e xub yow tayin

wuðgi yo tinen piɣ̌areṣ̌ kuy dišt,
x̌at x̌ʉ boɣe bar gotem ne gotem