Marwori

wuzem hamiṣ̌ ti qaderdon
ya bahori tar x̌anem

ya marwori tar x̌anem
ẓ̌ʉ pzʉve dʉnyo mulol mey go
koṣ̌ki ṣ̌eɣ̌d sol mey go

yem ti xaridori zamona dem šak marka mey niwiz
pzʉv eṣ̌ yit ẓ̌ʉn malaq
tu da x̌ʉ poyga mey niwiz
dʉr eṣ̌ fašt yem ti nazar
č̣eẓ̌me azori tar x̌anem

ya marwori tar x̌anem
ẓ̌ʉ pzʉve dʉnyo mulol mey go
koṣ̌ki ṣ̌eɣ̌d sol mey go

yem ti markai isob mar bigona ve rang
yi loy tu persa maẓ̌e witki ẓ̌ʉ pẓ̌ʉv tang
hijre dunyo nem nusetk x̌e x̌ʉ ṣ̌oyri tar x̌anem

ya marwori tar x̌anem
ẓ̌ʉ pzʉve dʉnyo mulol mey go
koṣ̌ki ṣ̌eɣ̌d sol mey go

čizret ko rexka doulat wuz zi wowilo ham niyeng
hazorep weza watan skem ti xuš sado em niyeng
yem jai jahonem sema
wuz x̌ʉ noč̣ori tar x̌anem

ya marwori tar x̌anem
ẓ̌ʉ pzʉve dʉnyo mulol mey go
koṣ̌ki ṣ̌eɣ̌d sol mey go

ajab qismati Didoren tu tamoṣ̌o yow tayin
θetki dem ti hijr magem ti waswasa yow tayin
yem jai jahonem sema

ya marwori tar x̌anem
ẓ̌ʉ pzʉve dʉnyo mulol mey go
koṣ̌ki ṣ̌eɣ̌d sol mey go