Xuši Rand X̌e Darde Me Durz

xuši rand x̌e darde me durz
yem išqe sufdo tayin 

sek liworč me niviṣ̌ x̌ʉ nung
yem waxte hawo tayin

yem išqe oson zeng me dis
yemi raɣxniɣ̌e daryo 

de ɣame tufone mulung
ṣ̌uriɣ̌e tilo tayin

me car tu yem išqe safar
pešev ye nodon kuṣ̌ui 

winetkem yem išqe kasal
ye ẓ̌ʉ jone jon kuṣ̌ui

teṣ̌eṣ̌ be ne x̌anem tower
θawmeṣ̌ wuz skeun ti baf jun 

x̌ʉ husne x̌ʉšrui yem čaman
me car zeng wiron kuṣ̌ui

de xiyolep hamiṣ̌ wizit
yo husne tufon kuṣ̌ui 

č̣eẓ̌miṣ̌tep hamiṣ̌a caren
yo winge armon kuṣ̌ui

tem pʉzʉve gap tu me woc
yemi sof zi diwona 

nodon pʉzʉvep tu lecert
hamiṣ̌ parešon kuṣ̌ui

de išqe yem x̌ʉsiyist kam
yem dadist arzon kuṣ̌ui

yem sum kasal me go pe xat
yemi bi darmon kuṣ̌ui

kudaket tuweṣ̌ ɣal ne diṣ̌
čizi rost čizi ɣalat 

de išqe suvdoi hamiṣ̌
ošiqer ziyon kuṣ̌ui

afsetep woc yi loy ko yem
x̌ʉ husne rono tayin   

sek liworč me niviṣ̌ x̌ʉ nung
yem waxte hawo tayin

yi Bʉlbʉl yi diwonae
x̌etu yem išqe safar   

niholi x̌etu da x̌ʉ
dile šini gule ambar  

sak x̌ʉ baf hunari nixit
če x̌ʉ jigaren yi woð 

ya ambare pareši kert
yowe sek xune jigar  

ya x̌ʉ šum nasibi romoṣ̌t
tamanyi kert hazor 

gezde ce osmonen
x̌ʉmuvner yi mojin sitor

ya sitor naṣ̌te kumer
ki wezde waxte sahar

yo išqe mayune lekrt
wiron yo boɣe bahor

pagales wost de intizor
x̌e ɣ̌irdes zi darpadar

yi roreṣ̌ ya x̌ʉ boge gule
wind de boɣe digar

yem dardeṣ̌ nust yo huṣ̌ hawos
x̌e wosteṣ̌ yo qozɣal

keṣ̌enen ki yi ror niyeṣ̌te
yo jon dem sum kasal

bi sepreɣ̌ bi voini če niv
ke yowe harwo tayin

sek liworč me niviṣ̌ x̌ʉ nung
yem waxte hawo tayin