Dilet Diwona

dilet diwona bi xəbar gox̌t, 

šək maẓ̌ət nəzar gox̌t 

doɣet ẓ̌ʉ jigar gox̌t, 

yem ẓ̌ʉ dunyowet zirzabar gox̌t 

išqet ẓ̌ʉ səfar gox̌t, 

maẓ̌et darpədar gox̌t 

ẓ̌ʉ jone jon ya ẓ̌ʉ leyli tu,  

ẓ̌ʉ kuhwe pəri tu 

ẓ̌ʉ naɣ̌de sari tu,  

niv dem ẓ̌ʉ pʉzʉve šini tu 

mar yi gʉlsʉri tu, 

boɣe ošiqi tu 

da kuhwe perive qətoret tu, 

hasinver misolet tu 

ẓ̌ʉ naɣ̌de sitoret tu, 

niv dem ẓ̌ʉ pʉzʉve diyoret tu 

mar yi xuš bəhoret tu, 

bəhore qəroret tu  

niyeṣ̌k ča kʉx̌ten dem jahonet tu, 

lale badaxšonet tu 

pʉzʉve armonet tu, 

ẓ̌ʉ jon ẓ̌ʉ pʉzʉve meymonet tu 

yi išqe tufonet tu, 

tufoner amonet tu 

ti jawoniɣ̌i šoxe gʉl vitk, 

ošiqi bʉlbʉl vitk

pʉzʉvi ẓ̌ʉn mušxul vitk, 

yem ẓ̌ʉ dʉšmanviri zʉlʉl vitk 

tini dəman šʉl vitḱ,  

yem ẓ̌ʉ ɣamišt kʉl vitk

- Nazir Ahmed Bʉlbʉl