Embedded Files
de bohor oɣozen gʉl ambarin tow kumar reɣ̌de
ẓ̌ʉ jon ẓ̌ʉ jigar ẓ̌ʉ dil našin tow kumar reɣ̌de
baf et maẓ̌ birbod tar ofrin tow kumar reɣ̌de
pzʉv et doɣd di a nozinin tow kumar reɣ̌de
dar xwob maloqet dil perišon č̣eẓ̌meṣ̌ bore
umar e aziz šikeṣ̌t wisole yore intzore
buston x̌ʉšruyiɣ̌ gʉl hum nišin tow kumar reɣ̌de
pzʉv et doɣd di a nozinin tow kumar reɣ̌de
zaxm yow ẓ̌ʉ pzʉv nayem got dem šum dunyo šafo ey
yem ɣamiṣ̌t maẓ̌ viron tow xuš hal tr hamiš daho ey
yak dem maẓ̌eṣ̌ win sir hawai perda nišin tow kumar reɣ̌de
pzʉv et doɣd di a nozinin tow kumar reɣ̌de
tow gʉlob rang hasin puṣ̌ti gird parvona girdiš ey
de ti ɣamem wašk pzʉv pu kal tow x̌ʉ majnoon holet ny diš ey
ruh ti talabgor pzʉv be tin ẓ̌ʉ jon be tin tow kumar reɣ̌de
pzʉv et doɣd di a nozinin tow kumar reɣ̌de
pur pun et maẓ̌ di kart pʉs dema niv har rizo žun bihamro ey
pu maẓ̌ et go dil tangiɣ̌ jon ti niyoz tow x̌ʉ majnoon rand čizer sazo ey
tar ti pʉð ziwekt behad hassin čeẓ̌me šohin tow kumar reɣ̌de
pzʉv et doɣd di a nozinin tow kumar reɣ̌de
qobil čar ẓ̌ʉ faryod de ti puret sar bu sajda wuzem vit hobe
dunyo en bigona yi kaf šrob yi kaf kitobe
dunyo puret em vašk xʉ Hasrate vin tow kumar reɣ̌de
pzʉve et doɣd di a nozinin tow kumar reɣ̌de
Page updated
Google Sites
Report abuse