X̌ikwor Mataliṣ̌t

tʉrt ney winger tʉmbʉn ketak

č̣ak ðasti ɣ̌are doruw

č̣indrik tar kul

yem pʉr naxčire ya pʉr naxčirer x̌inetk ki ti bičkam droz

tra kor mulung kʉnor

pe xoni rexniɣ̌  piðing, kʉmpiri da x̌ʉ tʉmbʉne eṣ̌

yi čuwane pak

tre lumane vorz ne ɣ̌itetk

ẓ̌ʉ jone čuṭ

soz ɣ̌aṣ̌er soz band

Tat nan ki adab ney kert šet vʉrt ep adab čart

qarɣa ep jire ney wost

qare baxši xuẓ̌g

čʉpanin er x̌an, krestin ep dišt

kuy ko ti yaš er xur x̌at

yaš ki gezda xur er zeroxor

da x̌ʉ luq ney sezak

pish pe dumxa rang

x̌ʉ ðiɣ̌ rep kui treṣ̌p ney x̌and

xur er ki  vur ney wite, pe xðorge bar

č̣us gezde osmon wudruk er

ʉṣ̌tʉr plunwuk x̌e yan piryan x̌ak

ʉṣ̌tʉre plunuv x̌e piryan may go

tini šače ɣ̌aṣ̌, yowni xure ɣ̌iṣ̌

tu pe blo bar, ney blo pe ti bar

ske zaxme sar nemak

duryo er skord, pitk er piyan

štoweṣ̌ wundr eṣ̌ kril dixt

Arbob er draw, Borol er yaw

may rexk gudoyiɣ, vritk vitk x̌e wezg

xure ɣ̌iṣ̌

kuča bar er ṣ̌oyin, ta viyin i ɣelčijin

pitkarč purvetkt

taazi ki taibib, x̌ʉ jon er

ẓ̌ʉ guṣ̌t yaw

moli pe goz, ɣribiɣi pe poz

merziɣ er ṣ̌olm be ɣurṣ̌un

čuṭ  qmočdun maẓ̌ setk ney kert, lang xur maẓ̌ tre jai ney nixit

če baf en šak

x̌ʉ šan nay, x̌ʉ tate šan

x̌ʉ kumpal tyin x̌e yan x̌ʉ pʉð rʉr

setk et ki wite x̌ʉ nuvor may rumʉṣ̌, garm et ki wite x̌ʉ čupan may rumʉṣ̌

šak wingas ep rešt ska šak zax̌ rep nest

šak xalgni šak qisa

šač ep ruid, korwon ep šxest

zur čarg ep xid rešt

šov šov yupk eṣ̌ kunda ben kund

setk ep merze diwona diṣ̌t

x̌ʉ rex eṣ̌ bet yiw lup goxta

aql ki nay boṣ̌ed jon dar ozob