Diliman

šiša e dil ṣ̌ketuve
tove be sang deṣ̌tuve
paɣ če ẓ̌ʉ dil rex̌tuwe
tra darz xðoy am winetuve

paɣ i ẓ̌ʉ dil če witke
xðoy am da winetke
jawre dilem rumṣ̌tke 
xðoye maẓ̌ winetke

ximazada i ba da x̌at
gohare noyobem gutetk
gačeš maẓ̌e goxte albat

ẓ̌ʉ dili bas yitki x̌at
x̌ʉ šačer tu maẓ̌ me kat
ti didorer qais tayin šitki x̌at

ra dile yorč tovrem vervesetk
x̌ʉ dile xirgo tarem zuvʉvetk
čizi ko tar woz ne foretk

ɣunča e dili permeretk
tova če judo maẓ̌e x̌etk
yaṣ̌k tok dunyoem nuwetk

reɣ̌ḍit ʣereng ðir ko čizer
lekertet maẓ̌ wir ko čizer
čiroɣ̌ dʉrz sma ske jahon
noyofti ti alirehmon

- Ali Rehman