Ẓ̌ʉ Nan

Sʉm batkep werč̣em bimor,

dard-e-darmoni ẓ̌ʉ nan

Čiz gom duṣ̌tovet timor,
dʉovay koni ẓ̌ʉ nan

Tagep taxri ne čarem
če maẓ̌en ki kʉyer ṣ̌ečt

Kʉy ki xetk maẓ̌ zeng tiyor,
ya Musalmoni ẓ̌ʉ nan

Xat ɣirday ro de maẓ̌en
maẓ̌i ṣ̌et pargen yewerd

Wʉdgem wʉz tilovay mor,
haya jalwoni ẓ̌ʉ nan

Xʉdoye nʉngen čebas
wʉzeṣ̌ yow nʉng dʉrzem

Čengep nay wočem mindor,
mʉṣ̌kil osoni ẓ̌ʉ nan

x̌andeṣ̌ mar doṣ̌t tʉ x̌ak diš,
may kʉyer kaž wʉzʉm

Skame kʉnaw may sawol,
ẓ̌ʉ qamondoni ẓ̌ʉ nan

Aqle savza eṣ̌ got nam,
niv dem ẓ̌ʉ qomina dil

Wʉzem taey x̌at gʉnogor,
rehme boroni ẓ̌ʉ nan

Tre kʉm taaydorep wʉz
tagida hasrat nay xaṣ̌em

Saifep nay wost pe kʉy zor,
lalet marjoni ẓ̌ʉ nan