Gʉl Banafša

Ye ẓ̌ʉ gʉl banafša ẓ̌ʉ nozamin
Dem xuš bahori ti intizor
Ti haten ẓ̌ʉ čežmistev biqeror
Dem x̌ʉ išqeš θʉw tu maẓ̌ naɣ̌d ror

Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin

Tu ẓ̌ʉ ruh sedo ẓ̌ʉ pʉzʉve soz
Ye ẓ̌ʉ dʉr ẓ̌ʉ joni tower niyoz
x̌ʉ tapkem ketetk tower poyindoz
Aska č̣aw x̌e wez mar disʉv didor

Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin

Toweš persen nasti ẓ̌ʉ ṣ̌ix jawob
Yem xuš bahoret gʉle gʉlob
Ti haten demanev kutan kabob
čarem marg batken ti intizor

Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin

ɣafčep hʉmin xušruyišt dem zamin
Nep hʉmit ẓ̌ʉ dʉre rang kuy hasin
Wocneṣ̌ diwona tuṣ̌ ki tuy tayin
Tuṣ̌ ki reč̣ kumer draeṣ̌ wizit bahor

Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin
Ye ẓ̌ʉ gʉl banafša ẓ̌ʉ nozamin

- Nazir Ahmad Bulbul